ਆਪਣੇ ਮਿੱਤਰ ਜਾ ਸਹੇਲੀ ਨੂੰ ਸਕੂਲ ਦੇ ਵਾਰਸ਼ਿਕ ਸਮਾਗਮ ਦਾ ਹਾਲ

                                                   

ਪਰੀਖਿਆ ਭਵਨ, 

                                                       ਕੇਂਦਰ ਨੰਬਰ ੧੨

                                                       ਮਾਲੇਰਕੋਟਲਾ। 

                                                ਮਿਤੀ 26-3-2022

 ਪਿਆਰੇ ਸੁਖਵੀਰ , 

  ਸੱਤ ਸ੍ਰੀ ਅਕਾਲ

 ਅੱਜ 23 ਮਾਰਚ ਨੂੰ ਸਾਡੇ ਸਕੂਲ ਵਿੱਚ ਵਾਰਸ਼ਿਕ - ਸਮਾਗਮ ਦਾ ਪ੍ਰੋਗਰਾਮ ਸੀ । ਇਹ ਪ੍ਰੋਗਰਾਮ ਸਕੂਲ ਦੇ ਪ੍ਰਾਰਥਨਾ - ਮੰਡਪ ਵਿੱਚ ਮਨਾਇਆ ਗਿਆ । ਇਸ ਸਮਾਗਮ ਦੀ ਪ੍ਰਧਾਨਗੀ ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਸਾਹਿਬ ਨੇ ਕੀਤੀ । ਠੀਕ ਤਿੰਨ ਵਜੇ ਡੀ . ਸੀ . ਸਾਹਿਬ ਗੇਟ ' ਤੇ ਆ ਗਏ । ਸਕੂਲ ਦੇ ਮੈਨੇਜਰ , ਪ੍ਰਿੰਸੀਪਲ ਅਤੇ ਹੋਰ ਬਹੁਤ ਸਾਰੇ ਪਤਵੰਤੇ ਸੱਜਣਾਂ ਨੇ ਉਹਨਾਂ ਦੇ ਗੱਲ ਵਿੱਚ ਹਾਰ ਪਾਏ । ਡੀ . ਸੀ . ਸਾਹਿਬ ਦੇ ਆਉਣ ਨਾਲ ਪੰਡਾਲ ਵਿੱਚ ਹਾਜ਼ਰ ਸਾਰੇ ਸੱਜਣ ਖੜੇ ਹੋ ਗਏ । ਉਹਨਾਂ ਦੇ ਆਪਣੀ ਸੀਟ ' ਤੇ ਬਿਰਾਜਮਾਨ ਹੋਣ ਨਾਲ ਸਾਰੇ ਸੱਜਣ ਆਪਣੀਆਂ ਸੀਟਾਂ ਤੇ ਬੈਠ ਗਏ । ਸਭ ਤੋਂ ਪਹਿਲਾਂ ਪ੍ਰਿੰਸੀਪਲ ਸਾਹਿਬ ਨੇ ਮੁੱਖ ਮਹਿਮਾਨ ਨੂੰ ਜੀ ਆਇਆ ਆਖਿਆ । ਫਿਰ ਪ੍ਰਿੰਸੀਪਲ ਸਾਹਿਬ ਨੇ ਸਕੂਲ ਦੀ ਸਲਾਨਾ ਰਿਪੋਰਟ ਪੜ੍ਹੀ । ਫੇਰ ਪ੍ਰਧਾਨ ਜੀ ਨੇ ਆਪਣਾ ਪ੍ਰਧਾਨਗੀ ਭਾਸ਼ਨ ਦਿੱਤਾ ਜਿਸ ਵਿੱਚ ਇਸ ਗੱਲ ' ਤੇ ਜ਼ੋਰ ਦਿੱਤਾ ਕਿ ਅਧਿਆਪਕਾਂ ਨੂੰ ਪੜ੍ਹਨ ਦੀ ਆਦਤ ਕਾਇਮ ਰੱਖਣੀ ਚਾਹੀਦੀ ਹੈ । ਉਹਨਾਂ ਨੂੰ ਆਪਣਾ ਗਿਆਨ ਵਧਾਉਣ ਲਈ ਵੱਧ ਤੋਂ ਵੱਧ ਪੁਸਤਕਾਂ ਦਾ ਅਧਿਅਨ ਕਰਨਾ ਚਾਹੀਦਾ ਹੈ । ਅੰਤ ਵਿੱਚ ਡੀ . ਸੀ . ਸਾਹਿਬ ਨੇ ਉਹਨਾਂ ਵਿਦਿਆਰਥੀਆਂ ਨੂੰ ਇਨਾਮ ਵੰਡੇ ਜਿਹੜੇ ਖੇਡਾਂ ਅਤੇ ਪੜ੍ਹਾਈ ਵਿੱਚ ਅੱਗੇ ਰਹੇ ਸਨ । ਇਸ ਸਮਾਗਮ ਦੀ ਇੱਕ ਵਿਸ਼ੇਸ਼ ਗੱਲ ਇਹ ਸੀ ਕਿ ਇਸ ਵਾਰ ਖੇਡਾਂ ਦੇ ਕੋਚਾਂ ਨੂੰ ਵੀ ਸੋਨੇ ਦੇ ਮੈਡਲ ਅਤੇ ਗਰਮ ਜਰਸੀਆਂ ਇਨਾਮ ਵਿੱਚ ਦਿੱਤੀਆਂ ਗਈਆਂ । ਫਿਰ ਮੈਂ ਘਰ ਵਾਪਸ ਆ ਗਿਆ । 

                                                           ਆਪ ਦਾ ਦੋਸਤ , 

                                                             ਨਰੇਂਦਰ ਮੋਦੀ